Ресейдің Сочи қаласында аралас жекпе-жектен Fight Nights Global 95 турнирі өтті, деп хабарлайды City04.kz ktk.kz-ке сілтеме жасап.
Оның басты жекпе- жегі қазақстандық Жалғас Жұмағұлов (12-3) пен ресейлік Әли Багаутиновтың (19-6) арасында өтті. Бәске Жұмағұловқа тиесілі Fight Nights Global чемпионы титулы тігілді. Айқас бес раундқа есептелген болатын. Екі елдің үздік спортшылары бес раунд бойы күш сынасты.
Ақыры, төрешілердің бірыңғай шешімімен Жұмағұлов жеңіске жетті. Осылайша, Қазақстан файтері жеңіл салмақтағы Fight Nights Global чемпионы титулын сақтап қалды. Десе де, төрешілермен келіспеген Багаутинов командасымен бірге шыққан шешімге қарсы апелляцияға арызданбақ.