Спортта кім мықты? Ақтөбеде студенттер лигасы өтіп жатыр

Алғашқы ұпай мен текетірес ойын, жанкүйерлердің дауысы және 200-ден аса қатысушы - өзара «кім мықтыны» анықтауға іріктеу ойындарында үздік өнер көрсеткен  командалар студенттерден құралған. Аталмыш шараЕлбасының ағымдағы жылдың 5 қазанындағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына жолдауын: «Қолданыстағы, әсіресе оқу орындарындағы спорт ғимараттарын тиімді пайдалану қажет» тапсырмасын жүзеге асыру мақсатында бастау алды. 

 Ақтөбелік спортсүйер қауым үшін бұл спорт мерекесі бір айға жуық жалғасады.12 қазан мен 9 қараша аралығында облыстық жастар саясаты мәселелері, облыстық спорт және дене шынықтыру басқармалары Қ.Жұбанов атындағы Ақтөбе өңірлік және М.Оспанов атындағы медициналық университеттерінің базасында жергілікті жоғары оқу орындары студенттері арасында «Ақтөбе студенттері лигасы» спорттың бес түрінен өтіп жатыр.