Әдемі фото үшін 15 жасар қыз суға кетті

Қырғызстандық 15 жасар қыз әдемі селфи жасаймын деп суға кетті, деп хабарлайды Сity04.kz.

Қырғызстан республикасының төтенше жағдайлар қызметінің мәлімдеуінше 23 маусым күні "Теплые ключи" санаториясында орын алған.

Бұл туралы total.kz мәлімдеген еді.

Кейін әлеуметтік желіде қыздың суға құлағаны жайында видео тарады.

Сыныптастарымен табиғатқа қыдыруға шыққан 2003 жылғы қыз бала сапар соңында селфи жасамақшы болған. Суретке ағысы қатты өзен үстінде орналасқан ағашқа түспекші болған қыз абайсызда өзенге құлап кеткен. 

Қызды іздеу жұмыстарына 66 құтқарушы, 30 жергілікті тұрғындар мен 5 аймақтық ішкі істер қызметкерлері жұмылдырылған. 

Нәтижесінде , қыз баланың мәйіті табылды.

Осындай оқиғаның орын алуына байланысты ата-аналар қауымын балаларды толық қарауда ұстауын ескертеміз!

Әсіресе, саяхат, жағажайға, табиғат аясына сапар барысында барынша сақ болыңыздар!