Қазақ – көтеріле салатын қырғыз емес. Біз әліптің артып бағып, күтіп отырмыз

Ешқашан көрші елде болып жатқан қақтығысты елге алып келуге тырысып, қазақты қырғыздан қор көретін пост жазуға болмайды, деген ақылын желіде журналист Жолымбет Мәкіш жариялап қойды.

Оның пайымдауынша, қазақ ақылдырақ, әліптің артын тыныш қана күтіп отыр.

– Кешеден бері қырғыздардың алтын кенішінде болып жатқан төбелесті қайта-қайта лентаға шығарып, біреулер бізді де солай істеуге үгіттегендей болып жатыр. Қырғыздың бас көтеріп жатқаны мықтылығынан емес, қазақтың үндемей отырғаны да әлсіздікке жатпайды, ағайын. Үндемесе, әліптің артын күтіп, сабыр сақтап отырғаны шығар. Қырғызстаның Қазақстанның бір облысына да жетпейтін жер ғой. Бір облыстың көлеміне жетпейтін жерді бақылауға ұстауға болады, бірақ содан 15 есе үлкен елде дәл сондай қақтығыс жасауға тырысу – артын ойламайтын ақымақтың ісі! Қырғыздың өз жолы, қазақтың өз жолы бар. Қазақ әділетсіздікке ашынып шығатын болса, қырғыздардан көргенін істемейді, – өз еркімен шығады, дейді ол өз постында.