Жастар жылында жастар күніне орай жастарға алғыс

Еліміздің болашағы елім деп тұрған жастарға артылар үміт, жүктелер міндет аз емес. Басшылықта отырған аға-әпкелеріміз бұл сөзді әрдайым алға тартатыны да айдан анық. Себебі, болашағымыз жастардың қолында. Осыған орай олардың ынталандыру мақсатында қоғамдық шараларда белсенді тұлғаларды Ақтөбе қаласы әкімшілігі назардан тыс қалдырмай, жастар күніне арнап алғыс хаттармен марапаттады, деп хабарлайды City04.kz.

Аталмыш Жастар күніне орай Ақтөбе жастарының арасынан белсенді деген жастар жиналды. Оларды арнайы Ақтөбе қаласының әкімі Мавр Абдуллин мен орынбасары Айгуль Арынгазиева алғыс хаттармен марапаттады.

Оған қоса бас қосуды пайдалана отырып Ақтөбе жастар ресурстық орталығының басшысы Жандос Табылғановпен жастар арасында ашық сөз алаңы болып, қаладағы мәселер туралы әңгіме құрылды. Алдағы уақыттағы жоспарланып отырған істерімен бөлісіп, жастардың қызығушылығын тарта түсті.