Мемлекеттік қызметке түсу үрдісі жеңілдетілді

Облыстық мемлекеттік қызмет істері департаментінің қызметкерлері ақпаратты алуды оңтайландыру және автоматтандыру, сонымен қатар уақытты үнемдеу мақсатында Telegram мессенджерінде пайдалануға ыңғайлы және үміткерлердің барлық ықтимал сұрақтарын ескеретін «Qyzmet.info» каналын ашты, деп хабарлайды City04.kz.

Бұдан былай азаматтар үшін тестілеу бағдарламасын анықтау, нормативтік актілерді жүктеу, сынақ тестілеуден өту, барлық аймақтарда жарияланған бос лауазымдарға конкурстарды қарау және конкурстық комиссияға шағым қалдыру және т.б үрдістері жеңілдетілді.

«Бүгінгі күні әлеуметтік желідегі азаматтардың беслсенділігін және қажеттіліктерін ескере отырып, үздіксіз сайттарға кіріп, қоңырау шалып, құжаттарды жинауды тоқтататын канал ашылды», - деді Департаменттің бас маманы Серік Алматов.

Ұйымдастырушылардың айтуынша, бюджет қаражатын үнемдеу мақсатында каналды Департаменттің мамандары өздері жасаған.