Дәрігерлер кеңседе жұмыс істейтіндердің қандай ауруға шалдығатынын айтты

Компьютер алдында үнемі отырып, жұмыс істейтін адамдар жүйке және бүйрек ауруына жиі шалдығады, деп хабарлайды City04.kz Хабар 24-ке сілтеме жасап.

"Бұл жағдайдың басты себебі – кеңсе жайларындағы ауа сапасының нашарлауы, ауа алмасудың жеткіліксіздігі, компьютерде өте ұзақ уақыт жұмыс істеу және бір бөлмеде көп адамның отыруы", - дейді ресейлік медициналық ғылыми-зерттеу институтының ғалымдары.

Мамандардың айтуынша, кеңсе қызметкерлерінде уақыт өте келе жүйкенің жұқаруы мен мазасыздық пайда болады. Уақыт өте келе психологиялық проблемалар жүйке және жүрек-тамыр жүйесінің ауруларына әкелуі мүмкін.

Дәрігерлер аталған аурулардың алдын алу үшін әр сағат сайын 15 минут физикалық жаттығулар жасауға кеңес береді. Сонымен қатар шай немесе суды жиі ішіп отыруды ұмытпаған жөн. Олар бүйрекке түсетін жүктемені азайтады және қан тамырларын қалпына келтіреді.