Бағдат Мәнізоровтың қылмыстық ісі тоқтатылғаны туралы құжат тарап кетті

Бұл құжаттың қаншалықты шын құжат екені әзірге белгісіз.

Желіде Алматы облысы әкімінің орынбасары Бағдат Мәнізоровқа қатысты қылмыстық істің тоқтатылғаны туралы құжат пайда болды, деп хабарлайды Zakon.kz.

Фотокөшірме Бас прокуратураның Б.Мәнізоровтың мүддесі үшін қылмыстық істі тоқтату туралы өтінішін қарағанын көрсетеді. Қылмыстық айыптаулар заңсыз деп көрсетіліп, қылмыс белгісінің жоқтығынан істің тоқтатылғаны айтылады.

Төменде Қылмыстық тергеу қызметі бастығының орынбасары Әбу-Әли Анарбайұлы Саттардың аты-жөні жазылған.

Еске сала кетсек, қыркүйек айының соңында Алматы облысы әкімінің орынбасары Бағдат Мәнізоровты сыбайлас жемқорлыққа қарсы күрес қызметі ұстаған болатын.

Ол аса ірі көлемде алаяқтық жасады деген күдікке ілінді.

- Іс 190-баптың 4-бөлігінің 2-тармағына сәйкес келеді - қызметтік жағдайды пайдаланумен жасалған ірі көлемдегі алаяқтық, - деген еді Сыбайлас жемқорлыққа қарсы іс-қимыл агенттігі басшысының бірінші орынбасары Олжас Бектенов.

Бұл құжаттың қаншалықты шындық екенін айту қиын. Zakon.kz редакциясы мұны анықтау үшін Бас прокуратураға сауал жолдады.

Айтпақшы, мәтін ішінде бір жерде Бағдат Мәнізоров Н.Манзоров деп көрсетілген.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#НОВОСТИ АКТОБЕ #КАЗАХСТАН

Сагимбаева Баян