Қазақстан әскеріндегі бір күн

Республикалық «Ел тірегі-2019» акциясының аясында «Батыс» өңірлік қолбасшылығының Атырау гарнизоныныда Қорғаныс істері жөніндегі Департаментімен бірлескен«Қазақстан әскеріндегі бір күн» форматындағы ашық есік күні өтті, деп хабарлайды City04.kz.

Іс-шарада 500-ге жуық жоғары сынып оқушылары мен колледж студенттері, сонымен қоса Х.Досмұханбетов атындағы Атырау мемлекеттік университетінің әскери кафедра тыңдаушылары қатысты. Құрметті қонақ ретінде Қарулы Күштердің ардегерлері шақырылды.

Әскери-патриоттық тәрбие - жоғары патриоттық сананы қалыптастырудағы, өз еліне және адамдарына адалдық сезімін тәрбиелеудегі маңызды бағыттардың бірі. Іс-шара аясында жігіттер әскер өмірімен танысып, әскери киім мен әскери техника, қару-жарақтармен танысты.

Әскери бөлімдердің офицерлер-тәрбиешілері әскери қызметшілердің өмірі, әскери қызмет тәртібі және жауынгерлік дайындық міндеттері туралы айтты.

Студенттерге қолмен ұрыс тәсілдері көрсетіліп, әскерилендірілген эстафетаға қатысқысы келетіндер де табылды. Эстафетаның жеңімпаздары «Батыс» өңірлік қолбасшылығы командирінің сертификаттарына ие болды.