Қазақстандықтар наурызда қанша күн демалады

Қазақстандықтар наурыз айында 13 күн демалады деп хабарлайды City04.kz.

Мерекелер күнтізбесі еліміздің Электронды үкімет сайтында жарияланды.

Ресми мәліметтерге сәйкес, тек аптасына 5 күн жұмыс істеп, оқитын адамдар наурызда 13 күн демалады.

Халықаралық әйелдер мерекесіне орай қазақстандықтар 3 күн: 7, 8 және 9 наурыз күні демалады.

Айта кету керек, бұл аптасына бес күн жұмыс істейтін және оқитын адамдарға ғана қатысты.

Ал жұмыс кестесі аптасына алты күнді құрайтын жандар екі күн: 8 және 9 наурыз күні демалады.

Ал ең ұзақ демалыс ел тұрғындарын Наурыз мерекесінде күтіп тұр. Бұл уақытта қазақстандықтар қатарынан 5 күн 21-25 наурыз аралығында демалады. 26-сы күнi жұмыс күні.