Темір жол вокзалына жарылғыш зат орнаттым деген ақтөбелік ұсталды

Бүгін Ақтөбеде жалған терроризм жасады деген күдікпен 25 жастағы ақтөбелік азамат ұсталды деп хабарлайды City04.kz

23 наурыз күні сағат 08.35-те Алматы қалалық Полиция департаментінің 102 телефонына белгісіз адам "Мобайл Телеком Сервис" ЖШС call орталығына қоңырау шалып, темір жол вокзалына жарылғыш зат орнатқанын хабарлады.

Ақпарат дереу Алматы қаласының жедел қызметтеріне берілді, тексеру барысында Алматы қаласының ПД қызметкерлері жоғарыда көрсетілген абоненттік нөмір Ақтөбе қаласының тұрғынына тіркелгендігі және қоңырау шалу кезінде ол Ақтөбе қаласында болғаны анықталды.

Өз кезегінде оңтүстік астананың полицейлері ақтөбелік әріптестеріне жедел-іздестіру іс-шараларын жүргізу барысында 25 жастағы ақтөбелік азаматты ұстады. Жас жігіттен "Нокиа" маркалы кнопкалы телефон, "Самсунг Галакси" маркалы ұялы телефон, "ТР-Link" маркалы модемі бар жүйелік блок, "Каспий Голд" банк картасы алынды. Жиналған дәлелдемелермен күдікті ҚР ҚПК 128-бабы тәртібінде ұсталып, Ақтөбе қаласы ПБ уақытша ұстау абақтысына қамалды.

Ақтөбе облысының Полиция департаменті ҚР ҚІЖК-нің 54-бабы 1-бөлімі бойынша қылмыстық құқық бұзушылық жасағаны үшін кінәлі адамның қатаң түрде жауапкершілікке тартылатындығын хабарлайды.