Ақтөбеде әскери міндеттілер қызметтік борыштарын өтеуге кірісті

Бүгін Ақтөбеде карантин жағдайында қоғамдық қауіпсіздікті қамтамасыз ету үшін әскери міндетті 100 азаматты арнаулы жиындарға қабылдау рәсімі өтті деп хабарлайды City04.kz

Аумақтық қорғаныс бригадасы мен ТЖД жеке құрамы дезинфекция жұмыстарын өткізуге кірісті.

Ақтөбе облысы әкімінің қауіпсіздік және қорғаныс әскери қызмет жөніндегі көмекшісі Әділбек Култаевтың айтуынша ҚР Президентінің Жарлығы шыға салысымен 300-ге жуық еріктілер жергілікті әскери комиссариаттарға жүгінген. Дегенмен бірінші кезеңде денсаулығына байланысты арнайы дайындықтан өткен 100 әскери қызметші іріктелді. Қажет болған жағдайда әскери қызметке тартылатын адамдардың саны артады.

Әскери қызметшілер дезинфекция шараларын өткізуге, полиция қызметкерлерімен бірге қоғамдық тәртіптің сақталуына , төтенше жағдайды сақтау процесінде туындаған басқа мәселелерді шешуге ат салысатын болады.